ილია თოფურიამ სოციალურ ქსელში თავის ძმას, ალექსანდრეს, წერილი მიუძღვნა.
,,ჩემო ძმაო, მინდა მოგილოცო ყველაფერი, რასაც ამდენი შრომის, მსხვერპლისა და თავდადების შედეგად მიაღწიე.
ამქვეყნად არავინ იცის ჩვენზე უკეთ, რა გზა გამოვიარეთ. სინამდვილეში არავინ იცის, რა დაგვიჯდა აქამდე მოსვლა, რა სირთულეები გადავლახეთ, რამდენჯერ მოგვიწია დაცემის შემდეგ წამოდგომა და რამდენ რამეზე ვთქვით უარი ჩვენი ოცნებების ასასრულებლად.
ყველაფერი 2 ძმით დაიწყო, რომლებიც ოცნებობდნენ, 1 ველოსიპედი ჰქონოდათ და ერთად გამოეყენებინათ. დღეს კი ამ 2 ბავშვიდან ერთ-ერთი მილიონობით ადამიანისთვის შთაგონების წყაროდ იქცა.
მაგრამ ყველაზე მეტად ის კი არ მახარებს, რასაც მიაღწიე, არამედ ის ადამიანი, როგორადაც ჩამოყალიბდი. რადგან მე ვიცი, ვინ ხარ, საიდან მოდიხარ და როგორი გული დგას თითოეული შენი ბრძოლის უკან.
ხვალ ოქტაგონზე მხოლოდ შენ არ ახვალ. შენთან ერთად იქ ჩვენი ბავშვობის ოცნებები, ჩვენი მსხვერპლი, ჩვენი ისტორია და ყველა ის ადამიანი იქნება, ვისაც ჩვენი რწმენა არასდროს დაუკარგავს.
ხვალ გამარჯვება შენ გეკუთვნის, რადგან ის სისხლით, ოფლითა და ცეცხლში გამოვლით დაიმსახურე. რაც უნდა მოხდეს, ჩემთვის ყოველთვის ჩემპიონი იქნები, ჩემი უფროსი ძმა და ჩემი ცხოვრების ერთ-ერთი უდიდესი სიამაყე.
მთელი სულითა და გულით მიყვარხარ, ძმაო. ღმერთი იყოს შენთან ხვალაც და ყოველთვის!" - წერს ილია თოფურია.
ალექსანდრე თოფურია 21 ნოემბერს, დოჰაში, სანტიაგო ლუნას დაუპირისპირდება. UFC Qatar-ის ღონისძიება 19:00 საათზე დაიწყება.
VIDEO: ალექსანდრე თოფურია vs სანტიაგო ლუნა - ბოლო პირისპირ დგომი შედგა