ლივერპულის ყოფილმა მოთამაშემ, ემილ ჰესკიმ, მოჰამედ სალაჰის შესაძლო შემცვლელები დაასახელა და აღნიშნა, რომ ხვიჩა კვარაცხელია „მისი პირველი არჩევანი“ იქნებოდა.
„ჩვენ ვსაუბრობთ მოჰამედ სალაჰის შეცვლაზე და ვფიქრობ, გულშემატკივრებმა უნდა გაიაზრონ, რომ მის პირდაპირ შეცვლას ვერავინ შეძლებს. მახსოვს, ერთ სეზონში ვიღაცამ თქვა, რომ სალაჰს ცუდი სეზონი ჰქონდა, მან 25 გოლი გაიტანა! მეც მსურდა ასეთი ‘ცუდი’ სეზონი მქონოდა. ჩვენ ვსაუბრობთ ფეხბურთელზე, რომელიც 10 წლის განმავლობაში ყოველ სეზონში 20-ზე მეტ, თითქმის 30 გოლს იტანს.
არ ვფიქრობ, რომ სალაჰის შეცვლა შესაძლებელია, მაგრამ მომწონს პსჟ-ის ახალგაზრდა, ხვიჩა კვარაცხელია. ის ჩემი პირველი არჩევანი იქნებოდა. იქნებოდა თუ არა ჯარედ ბოუენი სალაჰთან შედარებით დაქვეითება? ვფიქრობ, თითქმის ყველა ფეხბურთელი იქნება სალაჰთან შედარებით ერთი ნაბიჯით უკან, თუმცა ბოუენი განსხვავებული ტიპის მოთამაშეა და, ალბათ, ტაქტიკურად უფრო მეტ შრომას ჩადებს."
ჰესკიმ ასევე ახსენა კრისტიან პულიშიჩი, როგორც შესაძლო სამიზნე, მიუხედავად იმისა, რომ მან ჩელსიში სტაბილურად ვერ შეძლო თავის გამოჩენა. ყოფილი ლივერპულელი ფიქრობს, რომ პულისიჩს ინგლისში დაბრუნების და საკუთარი შესაძლებლობების დამტკიცების დიდი მოტივაცია ექნება.
„მე ნამდვილად მომწონს კრისტიან პულიშიჩი, ის ძალიან პირდაპირი მოთამაშეა. შესაძლოა, ჩელსიში იმ რაოდენობის გოლები ვერ გაიტანა, როგორსაც ველოდი, მაგრამ დაცვას სერიოზულ პრობლემებს უქმნიდა. კარგი მსოფლიო ჩემპიონატის შემდეგ, საკუთარ ქვეყანაში დიდი წნეხის ქვეშ თამაშობდა და ვფიქრობ, ის ნამდვილად შეძლებდა სალაჰის ან თუნდაც კოდი გაკპოსგან განსხვავებული რაღაცის შეთავაზებას.
სალაჰმა ჩელსი დატოვა და იტალიაში გადავიდა, ნახეთ, რა გააკეთა შემდეგ ლივერპულში. ვფიქრობ, საინტერესო იქნებოდა, ვინმე პულიშიჩის მსგავსის დაბრუნება პრემიერ ლიგაში იმავე გზით. ალბათ, მასაც სურს დაამტკიცოს, რომ ჩელსიში გატარებული პერიოდი უბრალოდ მცირე ჩავარდნა იყო. ის მაშინ ჯერ კიდევ ძალიან ახალგაზრდა იყო, როცა ინგლისში გადავიდა.“ - თქვა ჰესკიმ.
