უეფას სუპერ თასზე პარი სენ-ჟერმენმა ტოტენჰემი პენალტების სერიაში დაამარცხა და აღნიშნულ ტიტულს ისტორიაში პირველად დაეუფლა.
VIDEO: პსჟ - ტოტენჰემი [პენალტების სერია სრულად]
ეს პარიზული გუნდისთვის 2025 წელს მორიგი ტიტულია, შესაბამისად კიდევ ერთი თასი მიითვალა მონაგარში ხვიჩა კვარაცხელიამ.
ქართველი ფეხბურთელისთვის ეს მიმდინარე წელს უკვე მე-5 ჩემპიონობაა.
კვარაცხელიამ პსჟ-ში გადმოსვლის შემდეგ 4 ტიტული მოიგო - ლიგა 1, საფრანგეთის თასი, ჩემპიონთა ლიგა, უეფას სუპერ თასი.
არ უნდა დავივიწყოთ იტალიის სერია ა-ც, რომლის ჩემპიონიც ნაპოლი გახდა. კვარაცხელიამ კი პარტენოპეის სეზონის პირველ ნახევარში მონაწილეობა მიიღო და მნიშვნელოვანი საგოლე მოქმედებებითაც გამოირჩევა.
წელს პარი სენ-ჟერმენსა და ხვიჩას კიდევ ერთი ტიტულის მოგებაც შეეძლოთ, თუმცა ლუის ენრიკეს გუნდი მსოფლიო საკლუბო ჩემპიონატის ფინალში ჩელსისთან დამარცხდა.
![VIDEO: პსჟ - ტოტენჰემი [პენალტების სერია სრულად]](/_next/image?url=https%3A%2F%2Farena-next-prod-s3public-hkdwvema.s3.eu-central-1.amazonaws.com%2F655c59d7-e072-4b44-ba07-dc23a05b60a9&w=3840&q=75)
