საქართველოს 21-წლამდელთა ნაკრები ევრო 2027-ის საკვალიფიკაციო ეტაპზე ასპარეზობას ლატვიასთან და მალტასთან გასამართი საშინაო მატჩებით აგრძელებს.
რამაზ სვანაძის გუნდმა დღეს ქუთაისის რამაზ შენგელიას სახელობის სტადიონზე ივარჯიშა. ტრავმის გამო, მიმდინარე შეკრებას ქუთაისის ტორპედოს შემტევი - ალეკო ბასილაძე გამოაკლდა.
ცნობისთვის, გუშინდელი ვარჯიშის შემდეგ ნაკრებს, ასევე ტრავმის გამო, ტყიბულის მეშახტეს შემტევი, დიმიტრი ღურწკაია გამოეთიშა.
მეკარეები: პაპუნა ბერუაშვილი (რუსთავი), მიხეილ მაქაცარია (დინამო თბილისი), რევაზ კურტანიძე (იბერია1999);
მცველები: გიორგი გვასალია (დინამო თბილისი), ლუკა ლაცაბიძე (ვაილე, დანია), ალექსანდრე ამისულაშვილი (იბერია 1999), აკაკი გიუნაშვილი (კოლხეთი ფოთი 1913), დავით ბუკია (ტორპედო ქუთაისი), ალექსანდრე ნარიმანიძე (ჟილინა, სლოვაკეთი), გიორგი ტაბატაძე (ვაილე, დანია), საბა ხარებაშვილი (დინამო თბილისი);
ნახევარმცველები: ნიკოლოზ დადიანი (იბერია1999), ირაკლი ეგოიანი (ექსელსიორი, ნიდერლანდები), გურამ ჯაფარიძე (დინამო ბათუმი), საბა გეგიაძე (სპაერი), გაბრიელ სიგუა (ლოზანა სპორტი, შვეიცარია), გია ნადარეიშვილი (ტრენჩინი, სლოვაკეთი), ანდრია ბართიშვილი (იბერია 1999), ცოტნე ბერელიძე (წყალტუბოს სამგურალი), ლუკა წულუკიძე (დინამო ბათუმი);
თავდასხმელები: დიეგო დეისაძე (ტორპედო ქუთაისი), ნიკოლოზ ჩიქოვანი (უოტფორდი, ინგლისი), ლუკა პარკაძე (აუსტრია ზალცბურგი, ავსტრია).
ჩვენი ახალგაზრდული ნაკრები ლატვიას - 27 მარტს, ხოლო მალტის გუნდს 31 მარტს უმასპინძლებს. ორივე თამაში ქუთაისის რამაზ შენგელიას სახელობის სტადიონზე ჩატარდება.
ფოტო: NAKREBI.GE
