თურქეთთან მატჩის დასრულების (1:4) შემდეგ, Geo Team-მა ოთარ კიტეიშვილს ჰკითხა, ვინმემ დაავალა თუ არა კუთხურებზე მეტოქე გუნდის მცველის, მერიჰ დემირალის აყვანა.
ორივე გოლზე დემირალს სწორედ მასზე გაცილებით დაბალი კიტეიშვილი იყვანდა, რის გამოც თურქ ფეხბურთელს მამარდაშვილის კარის აღება არ გასჭირვებია.
„არა, ეს დავალება არ ყოფილა. უბრალოდ მე კუთხურის დროს ზონაში ვდგავარ. არის პირველი ოთხეული, რომელიც ბურთზე თამაშობს და მეორე ხუთი ფეხბურთელი, რომელიც ფეხბურთელებს ბლოკავს.
მე მეორე ხაზში ვიყავი და ფეხბურთელებს ვბლოკავდი, უბრალოდ ბურთზე სხვებს უნდა ეთამაშათ.
ზონის დროს ინდივიდუალურად არ ვმეურვეობთ ფეხბურთელებს, უბრალოდ ასე მოხდა და მეტოქემაც გამოიყენა უპირატესობა." - აღნიშნა კიტემ Geo Team-თან საუბარში.
![თურქეთი - საქართველო [ფეხბურთელთა შეფასებები]](/_next/image?url=https%3A%2F%2Farena-next-prod-s3public-hkdwvema.s3.eu-central-1.amazonaws.com%2Fa2c31032-fc10-42a3-9cfc-cdcdf7c6a830&w=3840&q=75)
