"პირველი შემთხვევა არაა, როცა დაბრკოლების წინაშე ვართ", - კვარას პოსტი წაგებულ მატჩებზე

ოქტომბერში ორივე მატჩის წაგების შემდეგ, საქართველოს ნაკრების ლიდერი და ვიცე-კაპიტანი ხვიჩა კვარაცხელია სოციალურ ქსელში პოსტს აქვეყნებს.

ამ თვეში ჩვენმა გუნდმა ორივე მატჩი დათმო - ჯერ ესპანეთთან 0:2, შემდეგ კი თურქეთთან 1:4.

„პირველ რიგში მინდა მადლობა ვუთხრა ამ ორივე გასვლით მატჩზე ჩამოსულ თითოეულ გულშემატკივარს და ყველას, ვინც გვქომაგობდა. რთული მატჩები გამოვიდა, არასასურველი შედეგებით და სათამაშო ხარისხით.

აუცილებელია ყველა პრობლემა გავაანალიზოთ, დავინახოთ, მივიღოთ და შემდეგ თამაშებში გამოვასწოროთ.

არ არის პირველი, როდესაც დაბრკოლებების წინაშე ვართ, მაგრამ ერთად აუცილებლად უნდა გადავლახოთ და დავბრუნდეთ გამარჯვებების და პროგრესის გზაზე! #მევარსაქართველო." - წერს სოციალურ ქსელში საქართველოს და პარი სენ-ჟერმენის შემტევი.