VIDEO: "მატჩი ძალიან აგრესიულად დავიწყეთ, შემდეგ გოლებმა გაგვათავისუფლა" - მონტელა
14 ოქტ, 2025 · 0 წთ წასაკითხად
-
Aa
+
ფონტის ზომა
თურქეთის ნაკრების მთავარმა მწვრთნელმა, ვინჩენცო მონტელამ საქართველოსთან გამარჯვების შემდეგ მედიასთან კომენტარი გააკეთა.
"ჩვენი გამარჯვებით ვამაყობ. პირველი ტაიმი ძალიან აგრესიულად დავიწყეთ, შემდეგ, რა თქმა უნდა, როდესაც ანგარიში გაუმჯობესდა, ჩვენი გუნდიც უფრო თავისუფლად ათამაშდა. მეორე ტაიმი ისე არ წარიმართა, როგორც გვინდოდა. საბოლოო ჯამში, კმაყოფილები ვართ, მაგრამ ჩვენს გზას მტკიცე ნაბიჯებით გავაგრძელებთ.
ყველა მატჩი ჩვენივე ტემპით უნდა მოვიგოთ, რადგან გვინდა ჯგუფის ლიდერები ვიყოთ. ჩამორჩენის შემდეგ, ესპანეთთან სტუმრად გამარჯვება და მსოფლიო ჩემპიონატზე გასვლა ვის არ სურს?!
ფეხბურთში უზარმაზარი უპირატესობა გაქვს, როდესაც გყავს ხარისხიანი მოთამაშეები, რომლებსაც ბურთის დაჭერა შეუძლიათ. რა თქმა უნდა, ჩვენ კონკრეტულად სტანდარტულებზე ცალკე ვმუშაობთ", - მონტელას სიტყვებს NTV Spor-ი ავრცელებს.
თურქეთის ნაკრებს, შესარჩევის 4 ტურის შემდეგ, 9 ქულა აქვს და პლეი-ოფში თამაში პრაქტიკულად გაინაღდა. ლიდერი ესპანეთი 3-ქულიან დისტანციაშია.
