კონორ მაკგრეგორმა ოქტაგონზე დაბრუნების თარიღი ოფიციალურად დაადასტურა.
ორ წონით კატეგორიაში მსოფლიოს ყოფილი ჩემპიონი UFC-ში თავის "უკანასკნელ ცეკვას" 2027 წლის International Fight Week-ზე გამართავს.
ირლანდიელის ბოლო ბრძოლა UFC 329-ზე, მაქს ჰოლოუეის წინააღმდეგ, ნამდვილ კოშმარად იქცა. ხუთწლიანი პაუზის შემდეგ დაბრუნებულმა კონორმა ოქტაგონზე მხოლოდ 69 წამი გაატარა, მან მუხლის ჯვარედინი იოგი (ACL) გაიწყვიტა და ბრძოლა ნაადრევად დასრულდა.
მიუხედავად იმისა, რომ მაკგრეგორს წინ რთული ოპერაცია და მინიმუმ ერთწლიანი სარეაბილიტაციო პროცესი ელის, ის უკვე აქტიურად ვარჯიშობს. სოციალურ ქსელში გამოქვეყნებულ ვიდეოში მან პირდაპირ განაცხადა:
ის, რაც ისტორიული ცემა უნდა ყოფილიყო, ახლა თავიდან იწყება. IFW 2027 - უკანასკნელი ცეკვა
აღსანიშნავია, რომ ირლანდიელს UFC-სთან კონტრაქტით მხოლოდ ერთი ბრძოლა აქვს დარჩენილი, რომელიც მანამდე მომავალი წლის აპრილში იგეგმებოდა.
მიუხედავად იმისა, რომ მაკგრეგორს ბოლო 6 წლის განმავლობაში გამარჯვება არ მოუპოვებია და 2016 წლის შემდეგ მხოლოდ 5-ჯერ იჩხუბა, ის ორგანიზაციის ისტორიაში ყველაზე დიდ ვარსკვლავად რჩება. International Fight Week ტრადიციულად ივნისის ბოლოს ან ივლისის დასაწყისში იმართება, რაც ნიშნავს, რომ ლეგენდარული მებრძოლის ფინალურ გამოსვლას ზუსტად ერთ წელიწადში ვიხილავთ.
