კოპენჰაგენი კონფერენს ლიგის მესამე ტურის შეხვედრაში იბერია 1999-ს უმასპინძლებს.
დანიური კლუბი ტურნირზე ორმატჩიანი უწაგებელი სერიით ხვდება დაპირისპირებას, ხოლო ქართული გუნდი სადებიუტო გამარჯვების მოპოვებას ეცდება.
ბო სვენსონის გაწვრთნილმა კოპენჰაგენმა დანიის სუპერლიგის ბოლო ტურში სტუმრად სონდერიუსკე 2:0 დაამარცხა. კოპენჰაგენი შიდა ჩემპიონატში 13 ტურის შემდეგ 29 ქულით მეორე პოზიციას იკავებს. ევროპულ ასპარეზზე კი გასულ ტურში ცრვენა ზვეზდასთან ფრე 2:2 ითამაშა.
ლევან კორღალიძის იბერია 1999-მა ეროვნული ლიგის ბოლო ტურში დინამო თბილისთან ფრე ითამაშა (0:0). თბილისელები 31 ტურის შემდეგ 56 ქულით სატურნირო ცხრილში მეორე ადგილზე იმყოფებიან. კონფერენციათა ლიგის სასტარტო შეხვედრებში იბერია 1999 სტუმრად სენტ-ტრუიდენთან 0:2 დამარცხდა, ხოლო შინ მიალბისთან ფრე 1:1 ითამაშა.
გუნდები ოფიციალურ მატჩში ერთმანეთს პირველად შეხვდებიან. კოპენჰაგენს ქართული კლუბების წინააღმდეგ ჩატარებულ ოთხ შეხვედრაში დამარცხება არ განუცდია (3 მოგება, 1 ფრე), ხოლო იბერია 1999 დანიურ გუნდს პირველად დაუპირისპირდება.
დანიურ კლუბს მიმდინარე სეზონში საკუთარ მოედანზე ჩატარებულ 10 შეხვედრაში წაგება არ აქვს, იბერია კი სტუმრად ჩატარებულ ბოლო ოთხ მატჩში უძლეველია (3 მოგება, 1 ფრე).
სპეციალისტებისა და ანალიტიკური ალგორითმების შეფასებით, მატჩის ფავორიტად მასპინძლები ითვლებიან (მოგების ალბათობა 71.4%), თუმცა თბილისელთა საგოლე სტატისტიკიდან გამომდინარე (ბოლო 10 მატჩიდან 8-ში გატანილი გოლი), დიდი ალბათობით, ორივე გუნდი შეძლებს თავის გამოჩენას.
