ოფიციალურად! - ჩაკვეტაძის უდინეზეს ახალი მწვრთნელი ჰყავს

კოსტა რუნიაიჩის დათხოვნის შემდეგ უდინეზემ ახალი მწვრთნელის დანიშვნა ოფიციალურად გამოაცხადა.

გიორგი ჩაკვეტაძის გუნდი ჩაიბარა 43 წლის პაოლო ძანეტიმ, რომელიც გასულ სეზონში ვერონაში მუშაობდა და თანამდებობიდან თებერვალში გაუშვეს, გუნდი მაისში სერია B-ში გავარდა. მასთან კონტრაქტი სეზონის ბოლომდე გაფორმდა.

როგორც Sky Sport Italia წერდა, პოცოების ოჯახს კლუბის მწვრთნელი სეზონის ბოლომდე სჭირდება, გრძელვადიან კანდიდატურაზე კი ამის შემდეგ დაფიქრდებიან - იქნება ეს ისევ ძანეტი, თუ მასაც სხვით ჩაანაცვლებენ.

ახალგაზრდა სპეციალისტის ჯერჯერობით მთავარი მიღწევა 2021 წელს ვენეციას სერია A-ში 19-წლიანი პაუზის შემდეგ აყვანა და 2022-23 წლების სეზონში ემპოლის სერია A-ში დატოვებაა.

ძანეტის, უდინელთა მწვრთნელის რანგში, დებიუტი ექნება სწორედ ყოფილ გუნდ ვენეციასთან, რომელიც ჩემპიონატის ბოლოადგილოსანია და მხოლოდ 3 ქულა აქვს (ნაპოლის მოუგეს).

10 ტურის შედეგებით, უდინელებმა მხოლოდ 5 ქულა მოიპოვეს, მათგან 4 - საწყის ორ ტურში, მას შემდეგ ჩატარებულ 8 თამაშში კი მხოლოდ ასევე ერთ-ერთ აუტსაიდერ პარმასთან არ წააგეს (0:0).

რატომ ვერ დაარეგისტრირეს ბერიძე და რა მოხდა ბედოშვილთან? - იბერიას სატრანსფერო პოლიტიკა