მსოფლიო ჩემპიონატის მიმდინარეობისას მექსიკაში უპრეცედენტო ინციდენტი მოხდა - სამხრეთ კორეის ეროვნული ნაკრების დახურული ვარჯიშის დროს, რომელიც გვადალაქარასთან ახლოს, Chivas Verde Valle-ს ბაზაზე მიმდინარეობდა, უცნობი პირების მიერ გაშვებული დრონი გამოჩნდა.
კორეული გუნდის დაზვერვის მიზნით გაშვებული მოწყობილობა მექსიკელმა სამხედროებმა რადიოტალღების გამოყენებით გაანეიტრალეს, რის შემდეგაც დრონი ჩამოვარდა.
ინციდენტი ვარჯიშის საწყის ეტაპზე, გახურების დროს მოხდა, ამიტომ გუნდს ტაქტიკური ინფორმაცია ვერ გამოსტყუეს. მიუხედავად იმისა, რომ უსაფრთხოების სამსახურები სწრაფად მივიდნენ ჩამოვარდნის ადგილზე, დრონის გამშვებებმა მოწყობილობის წაღება და მიმალვა მოასწრეს. სათვალთვალო კამერებმა დააფიქსირეს, თუ როგორ გაიქცნენ დამნაშავეები დრონით ხელში.
ფიფას უსაფრთხოების ოფიცერმა მომხდარზე დაუყოვნებლივ მოითხოვა მექსიკის პოლიციის მხრიდან გამოძიების დაწყება. სამხრეთ კორეის ფეხბურთის ფედერაციამაც მიაწოდა ინფორმაცია ფიფას, რათა მსგავსი შემთხვევები მომავალში თავიდან იქნას აცილებული.
ეს ინციდენტი კიდევ უფრო ამძაფრებს დაძაბულობას სამხრეთ კორეასა და მექსიკას შორის დაგეგმილ გადამწყვეტ მატჩამდე, რომელიც 19 ივნისს გაიმართება.
