იბერიას მწვრთნელმა ლევან კორღალიძემ გუშინდელი კონფერენს ლიგის მატჩის შემდეგ გულშემატკივრების მნიშვნელობაზე ისაუბრა.
კორღალიძემ აღნიშნა, რომ გულშემატკივრის როლი სტადიონზე უზარმაზარია და გუნდისთვის ისინი მართლაც მე-12 ფეხბურთელს წარმოადგენენ. სწორედ ამიტომ, მთავარმა მწვრთნელმა საზოგადოებას მოუწოდა:
მინდა ძალიან დიდი თხოვნით მივმართო ხალხს, რომ მოვიდნენ და მხარი დაგვიჭირონ და ჩვენ ყველაფერს გავაკეთებთ, რომ კმაყოფილები წავიდნენ სტადიონიდან. ეს ყველას სურვილია. დღეს ძალიან დიდი მუხტი იყო, კოპენჰაგენი ძალიან დიდი დონის გუნდია და კიდევ გულშემატკივრები, რომლებიც ასე უჭერენ მხარს დიდ ძალას აძლევთ.
დამერწმუნეთ, მეც ფეხბურთელი ვიყავი და სწორედ ეს მუხტი მინდა ჩვენი გუნდისთვის. ძალიან დიდი თხოვნით და პატივისცემით მინდა მოგიწოდოთ, რომ მობრძანდეთ თამაშზე და ჩვენ ყველაფერს გავაკეთებთ, რომ ნასიამოვნები დარჩეს ქართველი გულშემატკივარი.
