კროოსი: "ხვიჩა ოქროს ბურთს ვერ მოიგებს"

ტონი კროოსი ხვიჩა კვარაცხელიას ოქროს ბურთის მოგების შანსებს აფასებს.

ტონი კროოსმა ხვიჩა კვარაცხელიას შთამბეჭდავ სეზონზე ისაუბრა და აღნიშნა, რომ მიუხედავად ქართველი ფეხბურთელის ბრწყინვალე ფორმისა, იგი მას წელს ოქროს ბურთის გამარჯვებულად ვერ ხედავს.

გერმანელმა ნახევარმცველმა ხაზი გაუსვა კვარაცხელიას წარმოუდგენელ შესაძლებლობებს ბურთით და ბურთის გარეშე, მის გამძლეობასა და გადაწყვეტილებების მიღების სისწრაფეს, თუმცა მთავარ შემაფერხებელ ფაქტორად მსოფლიო ჩემპიონატზე საქართველოს ნაკრების არყოფნა დაასახელა. კროოსის აზრით, მუნდიალზე მონაწილეობის გარეშე, ასეთ კონკურენტულ გარემოში უმაღლესი ინდივიდუალური ჯილდოს მოპოვება ძალიან რთული იქნება.

ხვიჩა კვარაცხელიას მიმდინარე სეზონი მართლაც შესანიშნავია:

მან ისტორიული მაჩვენებელი დააფიქსირა - გაიტანა გოლი და გააკეთა შედეგიანი გადაცემა ზედიზედ შვიდ მატჩში. ლიგა 1-ში მის ანგარიშზე უკვე შვიდი გოლი და ოთხი საგოლე გადაცემაა.

ოქროს ბურთისთვის ბრძოლაში სხვა ფავორიტებად ჰარი კეინი, მაიკლ ოლისე და კილიან მბაპე სახელდებიან, რომელთაც მსოფლიო ჩემპიონატზე თავის გამოჩენის შესაძლებლობა ექნებათ.

კვარაცხელიამ დაამტკიცა, რომ მსოფლიოს საუკეთესო ფეხბურთელებს შორის ყოფნას იმსახურებს, თუმცა მუნდიალზე არყოფნა შესაძლოა გადამწყვეტი დეტალი აღმოჩნდეს ხმისმიცემის ფინალურ ეტაპზე.