2025/26 წლების სეზონი კულმინაციას მიუახლოვდა. მაისის ბოლომდე გულშემატკივრებს არაერთი საინტერესო დაპირისპირება გველის - ევროტურნირებისა და ქვეყნის თასების ფინალები, საჩემპიონო თუ გასავარდნ-დასარჩენი მატჩები. დღევანდელ ბლოგში 10 ყველაზე საინტერესო მათგანს გამოვარჩევთ.
სანამ ათეულზე გადავალთ, იმ გამორჩეულ მატჩებსაც ვახსენებ, რომლებიც ჩვენ ათეულს მიღმა დარჩა, მაგრამ უყურადღებოდ ვერ დავტოვებთ.
ლივერპული - ასტონ ვილა. 15 მაისი. 23:00
შტუტგარტი - აინტრახტი. 16 მაისი. 17:30.
ვოლფსბურგი - სანკტ პაული. 16 მაისი. 17:30.
საფრანგეთის თასის ფინალი. ნიცა - ლანსი. 22 მაისი. 23:00
10. ტორინო v იუვენტუსი
დერბი დელა მოლე - ჩემპიონთა ლიგის საგზურისთვის მებრძოლი იუვენტუსი იტალიის ჩემპიონატის ბოლო ტურში ტორინო სთედიუმს ეწვევა. მატჩი 24 მაისს, 17:00 გაიმართება.
9. ბაიერნი v შტუტგარტი
დოიჩ პოკალის ფინალში მიუნხენის ბაიერნი შტუტგარტს დაუპირისპირდება. ჰარი კეინი კარიერაში მე-4 ტიტულის მოგებას 23 მაისს, 22:00 შეეცდება.
8. ჰალ სიტი v საუთჰემპტონი
22 მაისს, 23:00, ჰალ სიტი და სოტონი პრემიერ ლიგის საგზურისთვის ბრძოლაში ერთმანეთს უემბლიზე დაუპირისპირდებიან.
7. ჩელსი v სიტი
პრემიერ ლიგის საგზურამდე უემბლიზე ასოციაციის თასი გათამაშდება. ჩელსი მანჩესტერ სიტის 16 მაისს, 18:00 დაუპირისპირდება.
6. კრისტალ პალასი v რაიო ვალეკანო
ჩემპიონთა ლიგის ფინალამდე სამი დღით ადრე კრისტალ პალასი და რაიო ვალეკანო ერთმანეთს კონფერენს ლიგის ფინალში დაუპირისპირდებიან. შეხვედრა 27 მაისს, 23:00 გაიმართება.
5. სიტი v ბორნმუთი
პრემიერ ლიგის თასისთვის ბრძოლაში გვარდიოლას გუნდს წინ კიდევ ერთი რთული გამოცდა ელის. 19 მაისს ქალაქელები ბორნმუთს დაუპირისპირდებიან, რომელიც ჩემპიონთა ლიგის საგზურისთვის იბრძვის.
4. ფრაიბურგი v ასტონ ვილა
20 მაისს, 23:00, სტამბულში ევროპა ლიგის ფინალი გაიმართება. ბირმინგემული კლუბი 2002 წლის შემდეგ პირველი ტიტულის მოგებას შეეცდება. ფრაიბურგს კი ისტორიაში პირველი ტიტულის მოგების შანსი აქვს, თუ 70-იან წლებში ორჯერ მოგებულ სამხრეთ ბადენის რეგიონალურ თასსა და მეორე ბუნდესლიგის ჩემპიონობებს არ ჩავთვლით.
3. კრისტალ პალასი v არსენალი
ლონდონის არსენალი 22 წლიანი ლოდინის დასრულების მოლოდინშია. მეთოფეები პრემიერ ლიგის ბოლო ტურში სელჰარსტ პარკს ეწვევიან და უდიდესი ალბათობით, გამარჯვების შემთხვევაში ნანატრ თასს აღმართავენ. საჩემპიონო შეხვედრა 24 მაისს, 19:00 გაიმართება.
2. სელტიკი v ჰართსი
შოტლანდია 41 წლიანი გლაზგოური დომინაციის დასრულების მოლოდინშია - პირველ და მეორე ადგილებზე მყოფი ჰართსი და სელტიკი ერთმანეთს ბოლო ტურში სელტიკ პარკზე დაუპირისპირდებიან. პოტენციური საჩემპიონო მატჩი 16 მაისს, 15:30 გაიმართება.
იხილეთ ვრცლად: 41-წლიანი გლაზგოური დომინაციის დასასრული? - სიგიჟე შოტლანდიურად
1. პსჟ v არსენალი
საკლუბო სეზონს, რა თქმა უნდა, ჩემპიონთა ლიგის ფინალი დააგვირგვინებს. ხვიჩა კვარაცხელიას პარი სენ-ჟერმენი ლონდონის არსენალს პუშკაშ არენაზე დაუპირისპირდება. ბუდაპეშტში გასამართი ფინალური მატჩი 30 მაისს, 20:00 გაიმართება.
