ბუნდესლიგის მე-12 ტურში ბაიერნთან 1:1 დასრულებული მატჩის შემდეგ ლუკა ლოჩოშვილის თამაშს გერმანული მედია დადებითად აფასებს.
ქართველმა მცველმა ძირითად შემადგენლობაში 90 წუთი ითამაშა და კიოლნის მიერ ქულის მოპოვებაში მნიშვნელოვანი წვლილი შეიტანა.
ლოჩოშვილი გუნდის მაისურით მოედანზე 24 ოქტომბრის შემდეგ პირველად გამოჩნდა, რადგან მანამდე სამი შეხვედრა სათადარიგო სკამზე გაატარა. გერმანული გამოცემები აღნიშნავენ, რომ მან მთელი თამაშის განმავლობაში კონცენტრაცია შეინარჩუნა:
ძირითად შემადგენლობაში მოულოდნელად დაბრუნდა. ეს გამართლებული ნაბიჯი გამოდგა. ინდივიდუალურ დუელებში დამაჯერებელი იყო და ამჯერად, კონცენტრაცია მთელი თამაშის განმავლობაში შეინარჩუნა.
გამოცემა Express-მა აღნიშნა:
შალკესთან მატჩის შემდეგ პირველად მოხვდა ძირითად შემადგენლობაში. მან თავი ძალიან კარგად წარმოაჩინა, როგორც დამატებითმა დამზღვევმა ძალამ. თუმცა, ბურთის ფლობის ფაზაში გასაუმჯობესებელი ჯერ კიდევ აქვს.
ლუკა ლოჩოშვილს ბუნდესლიგის მიმდინარე სეზონში 8 მატჩი აქვს ჩატარებული. კიოლნი 10 ქულით სატურნირო ცხრილში მე-14 ადგილზეა, 5-მატჩიანი მოუგებელი სერია აქვს და მომდევნო შეხვედრას 28 ნოემბერს, ელფერსბერგის წინააღმდეგ გამართავს.