ბელგიის ეროვნული ნაკრების მეკარემ, ტიბო კურტუამ მსოფლიო ჩემპიონატის 1/8 ფინალში აშშ-ის ნაკრებზე მოპოვებული დამაჯერებელი გამარჯვება (4:1) შეაჯამა:
„ჩვენზე ამბობდნენ, რომ ძველებურად ძლიერები აღარ ვართ. ეგონათ, იოლად მოგვიგებდნენ, თუმცა დავამტკიცეთ, რომ მართლაც კარგი გუნდი გვყავს. მატჩის დასაწყისიდანვე მეტოქე საკუთარ ნახევარზე ჩავკეტეთ და მომენტებს ვქმნიდით. ის შეხვედრა, როცა მარტში ამერიკელებს 5:2 მოვუგეთ, მოსვენებას არ გვაძლევდა.
მალიკ ტილმანის გოლის შემდეგ ამერიკელებს, ფოლარინ ბალოგუნის დარტყმის გარდა, საგოლე შანსი აღარ ჰქონიათ. ბალოგუნის გაუქმებულ დისკვალიფიკაციაზე ინფორმაციას ვკითხულობდი და უბრალოდ მეცინებოდა.
ამ თამაშში ჩვენს გამარჯვებაში უფრო დარწმუნებული ვიყავი, ვიდრე სენეგალთან მატჩის წინ, რადგან სენეგალი, როგორც გუნდი, აშშ-ზე ბევრად უკეთესია“, - განაცხადა კურტუამ.
