კურტუა იტალიურ გუნდს ყიდულობს

მადრიდის რეალის მეკარე, ტიბო კურტუა იტალიური საფეხბურთო კლუბის, რეჯანას შეძენას გეგმავს.

ბელგიელის საინვესტიციო ფონდმა, NXTPLAY Capital-მა სერია C-ს გუნდის 100%-იანი წილის შესაძენად საწყისი წინადადება უკვე მოამზადა.

კურტუას მიზანი ადგილობრივი ტალანტების განვითარება და საამაყო გუნდის აშენებაა. შეგახსენებთ, რომ მისი ფონდი უკვე ფლობს წილებს ფრანგულ ლე მანში და ბელგიურ გენკში.

რეჯანას ამჟამინდელმა მფლობელმა ბელგიელების ინტერესი დაადასტურა, თუმცა საბოლოო, ოფიციალურ შეთავაზებას ხელმძღვანელობა ჯერ კიდევ ელოდება.