ფიფას საკლუბო მსოფლიო ჩემპიონატზე A და B ჯგუფებიდან გასული გუნდები გაირკვა და ცნობილი გახდა თუ ვინ შეხვდებიან ერთმანეთს 1/8 ფინალში.
მე-3 ტურში პარი სენ-ჟერმენმა სიეტლ სანდერსს 0-2 მოუგო და ჯგუფში პირველი ადგილი დაიკავა, პარიზელთა მხრიდან პირველი გოლი ხვიჩა კვარაცხელიას ანგარიშზეა.
VIDEO: კვარაცხელიას პირველი გოლი მსოფლიო საკლუბო ჩემპიონატზე
ატლეტიკოსთან 1-0 მარცხის მიუხედავად კი, ბოტაფოგომ მეორე ადგილი დაიკავა და ჯგუფიდან გავიდა.
რაც შეეხება A ჯგუფს, პორტუსა და ალ აჰლის შორის უხვგოლიანი ფრე დაფიქსირდა (4-4), ინტერ მაიამიმ და პალმეირასმა კი 2-2 ითამაშეს.
შედეგად ჯგუფში პირველ ადგილზე ბრაზილიური გუნდი გავიდა, მე-2 პოზიცია კი ამერიკელებმა დაიკავეს.
შესაბამისად 1/8 ფინალში პარი სენ-ჟერმენის მეტოქე ინტერ მაიამი იქნება, მეორე წყვილში კი ბრაზილიურ დაპირისპირებას ვიხილავთ ბოტაფოგოსა და პალმეირასს შორის.
ასე და ამგვარად, მსოფლიო საკლუბო ჩემპიონატზე ხვიჩა კვარაცხელიასა და ლიონელ მესის დაპირისპირება შედგება. პსჟ-ინტერ მაიამი 29 ივნისს, 20:00 საათზე დაიწყება.
