კვარაცხელიამ ტრავმა მიიღო, პარი სენ-ჟერმენმა ბარკოლას დუბლით მოიგო

საფრანგეთის ლიგა 1-ის მე-4 ტურში პარი სენ-ჟერმენმა პარკ დე პრენსზე ლანსი მიიღო.

სასტარტო შემადგენლობაში იყო ხვიჩა კვარაცხელია, რომელსაც 30-ე წუთზე მოედნის დატოვება ტრავმის გამო მოუწია.

პარიზელებმა კი ბრედლი ბარკოლას დუბლით მოიგეს. ფრანგმა შემტევმა მე-15 და 51-ე წუთებზე შეძლო გოლების გატანა, ორივე შემთხვევაში საგოლე გადაცემა ვიტინიამ მიითვალა.

VIDEO: ბრედლი ბარკოლას ლამაზი გოლი ლანსთან

ლუის ენრიკეს გუნდმა ჩემპიონატი 4-დან 4 მოგებით დაიწყო და სატურნირო ცხრილს სათავეში უდგას.

რაც შეეხება კვარაცხელიას დაზიანებას, Geo Team-ის ინფორმაციით, ხვიჩა სამედიცინო სურათს დაზიანებულ ფეხზე ხვალ გადაიღებს, რის შემდეგაც დიაგნოზიც გვეცოდინება.

წყაროს ცნობით, ფეხბურთელი გადაადგილებისას დისკომფორტს გრძნობს, თუმცა დაზიანება სერიოზული არ ჩანს, ძლიერადაა ფეხში მორტყმული - საბოლოოდ, ყველაფერი ხვალ გვეცოდინება.