ინგლისის პრემიერ ლიგის მე-15 ტურში ლივერპული ელანდ როუდს ესტუმრა და ლიდსს დაუპირისპირდა.
მერსისაიდელთა სათადარიგო სკამზე იყო გიორგი მამარდაშვილი, წითლების კარს კი ალისონ ბეკერი იცავდა.
მატჩის პირველი ტაიმი უგოლოდ დასრულდა, მეორე ნახევარში კი მაყურებელმა 6 გოლი ნახა. 48-ე და 50-ე წუთებზე გატანილი გოლებით უგო ეკიტიკემ დუბლი შეასრულა და სლოტის გუნდს მნიშვნელოვანი უპირატესობა მოუპოვა.
თუმცა ლიდსმა ასევე 2-წუთიან მონაკვეთში შეძლო ამ ჩამორჩენის აღმოფხვრა. 73-ე წუთზე ჯერ დომინიკ კალვერტ-ლუინმა შეასრულა პენალტი ზუსტად, 75-ე წუთზე კი ანტონ სტახმა გაათანაბრა ანგარიში.
მე-80 წუთზე ლივერპული ისევ გავიდა წინ. ალექსის მაკ ალისტერის ბრწყინვალე გატარების შემდეგ, დომინიკ სობოსლაიმ გამოიჩინა თავი, თუმცა ლივერპულმა მატჩის გამარჯვებამდე მიყვანა მაინც ვერ შეძლო.
მსაჯის მიერ კომპენსირებულ დროში, 96-ე წუთზე აო ტანაკამ შეძლო ანგარიშის გათანაბრება და საბოლოო ანგარიშის (3-3) დაფიქსირება.
ლივერპულს ამ მოგებით სატურნირო ცხრილში მე-5 ადგილზე გადასვლა შეეძლო, თუმცა ზედიზედ მეორედ ქულების დაკარგვის შემდეგ, ახლა 23 ქულით მე-8 პოზიციას იკავებს. ლიდსი კი 15 ქულით მე-16 ადგილზეა და გასავარდნ ზონას 3 ქულით უსწრებს.
