თურქულ კლუბს მამარდაშვილის იჯარით დამატება სურს

Foot Mercato-ს ჟურნალისტის სანტი აუნას ინფორმაციით, ბეშიქთაში ამჟამად რამდენიმე ტრანსფერზე მუშაობს.

წყაროს ცნობით, სრული შეთანხმება მიღწეულია კოსტას ციმიკასთან (ლივერპული) და ნუნუ ტავარეშთან (ლაციო). კლუბი უახლოეს 24–48 საათში ერთ-ერთ მათგანს აირჩევს.

ასევე ფრანგი ჟურნალისტის თქმით, ლივერპულს თურქული კლუბისგან წარდგენილი აქვს იჯარის შეთავაზება გიორგი მამარდაშვილზე: 2 მილიონი ევრო 6 თვისთვის, იჯარის გახანგრძლივების ოფციით.

გავრცელებული ინფორმაციით, ბეშიქთაში ასევე უმაღლესი დონის ცხრიანის დამატებას ცდილობს.

გიორგი მამარდაშვილმა ლივერპულის შემადგენლობაში ბოლოს 12 იანვარს, FA თასზე ბარნსლისთან 4-1 მოგებულ მატჩში ითამაშა. იქამდე კი ქართველმა მეკარემ 26 ნოემბერს, ჩემპიონთა ლიგაზე პსვ-სთან 1-4 წაგებულ შეხვედრაში იასპარეზა.

მამარდაშვილი ლივერპულის სასტარტო შემადგენლობაში სექტემბერი-ნოემბრის პერიოდში ხვდებოდა, როცა ალისონი ტრავმირებული იყო, თუმცა ბრაზილიელის დაბრუნების შემდეგ, ქართველს მხოლოდ თასის მატჩებში ვხედავთ.