"მოთამაშეებს ენერგია გამოელიათ" - სლოტი ბორნმუთთან მარცხის შემდეგ

ბორნმუთთან ბოლო წუთზე მარცხის შემდეგ, ლივერპულის მთავარმა მწვრთნელმა, არნე სლოტმა მატჩი შეაფასა.

„შეიძლება ითქვას, რომ ჩვენს რამდენიმე მოთამაშეს ენერგია გამოელია. ამის გამო მათ ვერ გავაკრიტიკებ, რადგან ორი დღის წინ ევროპაში გასვლითი მატჩი ვითამაშეთ.

ეს ძალიან სასტიკი თამაშია, როცა დამატებით დროში მარცხდები მას შემდეგ, რაც 2:0-ს აგებდი და თამაში შემოატრიალე.

ვფიქრობ, პირველ ტაიმში მხოლოდ 5–10 წუთი იყო, როცა სრულ კონტროლს ვერ ვფლობდით. რამდენიმე ეპიზოდში კარგად ვითამაშეთ მათ წინააღმდეგ, მაგრამ ორი გოლი გავუშვით, რაც, რა თქმა უნდა, არ გვეხმარება.

ჩემი შეგრძნება იყო, რომ თუ ანგარიშს 2:1-მდე შევამცირებდით, თამაშში სრულად დავბრუნდებოდით.

ხშირად პერსპექტიულ პოზიციებში ვიყავით, მიუხედავად იმისა, რომ 2:0 ვაგებდით და ისეთი შთაბეჭდილება მრჩებოდა, რომ აუცილებლად გავიტანდით და თამაშში დავბრუნდებოდით.

სამართლიანია ითქვას, რომ ბოლო 10 წუთში თამაში უფრო გახსნილი გახდა, მაგრამ ვხედავდი, რომ ჩემი მოთამაშეები დაღლილები იყვნენ, რადგან მატჩებს შორის მხოლოდ ორი დღე გვქონდა.

უმეტესად ერთსა და იმავე რამდენიმე მოთამაშეს უწევს თამაში და თამამად შეიძლება ითქვას, რომ ისინი ძალიან გადაღლილები იყვნენ. მათ ვერ დავადანაშაულებ, განსაკუთრებით მაშინ, როცა ასეთი ინტენსიური ბორნმუთის წინააღმდეგ გიწევს თამაში.“ - განაცხადა ნიდერლანდელმა სპეციალისტმა.

ბორნმუთმა ლივერპულის წაუგებელი სერია დაასრულა