მაქს ვერსტაპენის სარბოლო ინჟინერმა, ჯანპიერო ლამბიასემ შესაძლოა რედ ბული დატოვოს, რითაც დასრულდება პარტნიორობა, რომელმაც ფორმულა 1-ის ზედიზედ ოთხი ჩემპიონობა მოიტანა.
თავდაპირველად გავრცელდა ინფორმაცია, რომ 2025 წლის ჩემპიონატის დასრულება ლამბიასესა და ვერსტაპენის თანამშრომლობის დასასრული იქნებოდა. ცნობილია, რომ 45 წლის ბრიტანელმა ინჟინერმა რედ ბულის ხელმძღვანელობას სთხოვა, სეზონის განმავლობაში ნაკლებად ემგზავრა. 2025 წელს მან ავსტრიისა და ბელგიის რბოლები გამოტოვა, სადაც იგი საიმონ რენიმ ჩაანაცვლა.
ბრიტანეს ინჟინერს, რომელსაც იტალიელი მშობლები ჰყავს და ორმაგ მოქალაქეობას ფლობს, ასტონ მარტინში შესაძლო გადასვლას უკავშირებდნენ, თუმცა Autosport-ის ინფორმაციით, მოლაპარაკებები ასევე მიმდინარეობს უილიამსთან, რომელსაც გუნდის ხელმძღვანელი ჯეიმს ვოულზი უდგას სათავეში.
გავრცელებული ცნობით, რედ ბულის ინჟინერს უილიამსის პროექტი განსაკუთრებით იზიდავდა გუნდის მდიდარი ისტორიისა და მიზნის გამო - ლიდერთა რიგებში დაბრუნება. უილიამსმა ბოლო წლებში მნიშვნელოვანი პროგრესი განიცადა და 2025 წლის სეზონი მეხუთე ადგილზე დაასრულა, ეს მათი საუკეთესო შედეგია 2017 წლის შემდეგ.
Radiobox-მა გაავრცელა ინფორმაცია, რომ ლამბიასე შობის წინ უილიამსში გადასვლასთან ახლოს იყო, თუმცა შეთანხმება არ შედგა, რადგან ასტონ მარტინთან მოლაპარაკებები კვლავ გრძელდება.
გავრცელებული ცნობებით, ასტონ მარტინში CEO-ს ან გუნდის ხელმძღვანელის პოზიციაზე საუბრობდნენ, თუმცა ამჟამად გუნდის ხელმძღვანელის თანამდებობა ედრიენ ნიუის უკავია, თუმცა მიიჩნევა, რომ რედ ბულის ყოფილი დიზაინერი ამ როლის გრძელვადიანად შენარჩუნებას არ აპირებს.
გუნდის მენეჯმენტური სტრუქტურა ბოლო წლებში საკმაოდ ცვალებადი იყო, ხოლო ნიუიმ ახალი პოზიცია ენდი კაუელის გადაადგილების შემდეგ დაიკავა, რაც მიზნად ჰონდასთან ურთიერთობის გაღრმავებას ისახავდა.
ნიუის, შესაბამისად, არ სურს ორგანიზაციული ტვირთის საკუთარ თავზე აღება და ტექნიკურ მხარეზე კონცენტრირებას გეგმავს, თუმცა გაურკვეველია, რა როლს დაიკავებდა ლამბიასე ასტონ მარტინში.
ნიუი ყოველთვის დიდ პატივს სცემდა ლამბიასეს და გავრცელებული ცნობით, სიამოვნებით განაახლებდა თანამშრომლობას, რომელიც მილტონ კინზის გუნდიდან მისი წასვლით შეწყდა.
ზოგიერთი ამას ასტონ მარტინსა და ვერსტაპენს შორის ხიდების გასამყარებელ შესაძლებლობად უყურებს . ნიდერლანდელი მრბოლელის მომავალი რედ ბულში კითხვის ნიშნის ქვეშ დადგა მას შემდეგ, რაც მენეჯმენტში ცვლილებები განხორციელდა და კრისტიან ჰორნერი გუნდის ხელმძღვანელის პოზიციაზე ლორან მეკისმა შეცვალა.
თუმცა, თუ ლამბიასე უილიამსს შეუერთდება, ეს ნაბიჯი ნაკლებად იქნება დაკავშირებული მის სამუშაო ურთიერთობასთან ოთხგზის მსოფლიო ჩემპიონთან და უფრო მიანიშნებს, რომ შეთანხმების მთავარი ფოკუსი თავად მაღალკვალიფიციური ბრიტანელი ინჟინერი იყო.
