ფორმულა 1-ის გასული სეზონის ბოლოს მაქს ვერსტაპენის გამორჩეულმა დაბრუნებამ შეიძლება მისთვის საბოლოოდ ვერ მოიტანა ზედიზედ მეხუთე ჩემპიონის ტიტული, თუმცა ამას არ შეუშლია ხელი, რომ თანაგუნდელებსა და მეტოქეებში ჩატარებულ გამოკითხვაში ზედიზედ მეხუთედ დაესახელებინათ წლის მრბოლელად.
მრბოლელების მიერ არჩეული წლის მრბოლელის ხმის მიცემისას პილოტებს სთხოვეს, თავიანთი მეტოქეები შეეფასებინათ და 2025 წლის 10 საუკეთესო მრბოლელი დაესახელებინათ.
პილოტებს საკუთარი თავისთვის ხმის მიცემაც შეეძლოთ, თუმცა, როგორც წინა წლებში, ბევრმა ეს არ გააკეთა და უმეტესობამ საკუთარი თავი პირველ ადგილზე არ დააყენა. თითოეული სია შევსებული იყო იმ პირობით, რომ ის კონფიდენციალური დარჩებოდა.
ქულები განაწილდა ფორმულა 1-ის მოქმედი ქულათა სისტემის მიხედვით: თითოეულ სიაში პირველ ადგილზე მყოფი მრბოლელი იღებდა 25 ქულას, ხოლო მე-10 ადგილზე გასული - ერთ ქულას. შემდეგ ეს ქულები საერთო საუკეთესო ათეულის შესადგენად გაერთიანდა.
ვერსტაპენმა სეზონის ბოლო ეტაპზე შთამბეჭდავი ქამბექი აჩვენა, ბოლო 9 გრან პრიდან 6 მოიგო და ჩემპიონატის ლიდერ ლანდო ნორისს მხოლოდ 2 ქულით ჩამორჩა, მიუხედავად იმისა, რომ აგვისტოში, ნიდერლანდების გრან პრის შემდეგ, ლიდერს 104 ქულით ჩამორჩებოდა.
რედ ბულის პილოტმა გამოკითხვაში ნორისს ოდნავ აჯობა და პირველი ადგილი დაიკავა, ექვსმა მრბოლელმა იგი საკუთარ სიებში პირველ ადგილზე დააყენა.
1. მაქს ვერსტპაენი (რედ ბული)
2. ლანდო ნორისი (მაკლარენი)
3. ჯორჯ რასელი (მერსედესი)
4. ოსკარ პიასტრი (მაკლარენი)
5. შარლ ლეკლერი (ფერარი)
6. კარლოს საინსი (უილიამსი)
7. ფერნანდო ალონსო (ასტონ მარტინი)
8. ალექს ალბონი (უილიამსი)
9. ოლივერ ბერმანი (ჰაასი)
10. ისაკ ჰაჯარი (რეისინგ ბულსი)
