მაქს ვერსტაპენმა და რედ ბულმა დაადასტურეს, რომ 2026 წლის სეზონიდან ის ასპარეზობას 3 ნომრით გააგრძელებს, ხოლო ნომერი 1 ლანდო ნორისს გადაეცემა, რომელმაც რედ ბულის მრბოლელს ტიტულისთვის ბრძოლაში მხოლოდ ორი ქულით აჯობა.
ტორო როსოში დებიუტის შემდეგ, 2015 წლიდან, ვერსტაპენი 33-ნომრიანი ბოლიდით ასპარეზობდა, თუმცა 2021 წელს, როდესაც ლუის ჰამილტონს მსოფლიო ჩემპიონობისთვის ბრძოლაში სძლია, მან ისარგებლა შესაძლებლობით და ნომერი 1 აირჩია, რითაც საფუძველი მსოფლიო ჩემპიონობის ოთხწლიან დომინაციას ჩაუყარა.
ეს სერია აბუ დაბის გრან პრიზე მესამე ადგილის დაკავებით ნორისმა დაასრულა. მან მაკლარენის მრბოლელის რანგში თავისი პირველი ტიტული მოიპოვა, მაშინ როცა ვერსტაპენმა, შთამბეჭდავი ქამბექის მიუხედავად, ჩემპიონობა დაკარგა.
წინა 33 ნომერზე დაბრუნების ნაცვლად, ნიდერლანდელმა აირჩია ნომერი, რომელსაც ადრე მისი ყოფილი თანაგუნდელი დანიელ რიკიარდო იყენებდა. ისინი ერთად ასპარეზობდნენ რედ ბულში 2016-დან 2018 წლამდე, თუმცა ვერსტაპენმა განმარტა, რომ 3 ნომერზე გადასვლა მთელი კარიერის განმავლობაში მისი ოცნება იყო.
Viaplay-სთვის მიცემულ ინტერვიუში მან თქვა:
„ეს არ იქნება ნომერი 33. ჩემი საყვარელი ნომერი ყოველთვის 3 იყო, ნომერ 1-ის გარდა. ახლა შეგვიძლია შევცვალოთ, ამიტომ ეს იქნება ნომერი 3.
ნომერი 33 ყოველთვის კარგი იყო, მაგრამ ერთი 3 ორ 3-ს მირჩევნია. ყოველთვის ვამბობდი, რომ ის ორმაგ იღბალს ნიშნავდა, მაგრამ ჩემი იღბალი ფორმულა 1-ში უკვე მქონდა.“
ასევე დადასტურდა, რომ როგორც FIA-მ, ისე რიკიარდომ, რომელმაც სპორტი 2024 წელს დატოვა, ვერსტაპენს 2026 წელს ამ ნომრის ხელახლა გამოყენებაზე ნებართვა მისცეს.
