ლაშა გურულმა პროფესიონალური დებიუტი გამარჯვებით აღნიშნა

15 მარტს, რუსთავის სპორტის სასახლეში საქართველოს პროფესიონალური კრივის კავშირის ორგანიზებით საკრივო შოუ გაიმართა.

პროფესიონალურ კრივში სადებიუტო ბრძოლა მშობლიურ ქალაქში გამართა ოლიმპიურმა პრიზიორმა, ლაშა გურულმა. ქართველის მეტოქე 6-რაუნდიან ბრძოლაში დაუმარცხებელი განელი მოკრივე ბერნარდ აბეი იყო.

ქართველმა სანახაობრივ ბრძოლაში მეტოქე ქულებით დაამარცხა და დებიუტი გამარჯვებით აღნიშნა.

ამ ღონისძიების 4 მთავარ ბრძოლაში ქართველები უცხოელ მეტოქეებს დაუპირისპირდნენ და ოთხივე მათგანმა მოახერხა გამარჯვების მოპოვება.

ლაშა კერესელიძემ ინდოელ მეტოქეს 4-რაუნდიან ბრძოლაში ქულებით აჯობა, გიორგი ჭიღლაძემ ირანელ მეტოქეს სძლია დომინანტურ სტილში 6-რაუნდიან ბრძოლაში.

ირაკლი მელიქიშვილმა სამხრეთ აფრიკელ მოწინააღმდეგეს მე-6 რაუნდში ტექნიკური ნოკაუტით მოუგო, ლაშა გურულმა კი, როგორც აღვნიშნეთ, განელ მეტოქეს აჯობა.