ლივერპული ალექსანდრ ისაკის ტრანსფერზე მუშაობას აგრძელებს.
როგორც დღეს გაირკვა, ნიუკასლმა შვედი ფორვარდის თაობაზე პირველი შემოთავაზება უარყო, რომელიც ბონუსების ჩათვლით 120 მილიონ ფუნტამდე ადიოდა.
Sky Sports იტყობინება, რომ ლივერპული ისაკის თაობაზე მეორე შეთავაზებას ამზადებს და უახლოეს პერიოდში გააკეთებს.
ფაბრიციო რომანო აქვე ამატებს, რომ ნიუკასლს ფეხბურთელის გაყიდვა მინიმუმ იქამდე არ სურს, სანამ შემცვლელს არ დაიმატებს, რაც ამ ეტაპზე გარანტირებული სულაც არ აქვს.
გარდა ამისა, კლუბი შვედ ფორვარდს დაახლოებით 150 მილიონ ფუნტად აფასებს.
გასულ სეზონში პრემიერ ლიგის 36 მატჩში ისაკმა 23 გოლი და 6 საგოლე გადაცემა მიითვალა.
