Geo Team-ის ინფორმაციით, ლუკა ლოჩოშვილი კარიერას ნიურნბერგში გააგრძელებს.
ქართველი მცველი გერმანიაში ხვალ დილით ჩაფრინდება, სადაც სამედიცინო შემოწმება უკვე დაგეგმილია.
წყაროს ცნობით, ნიურნბერგი ლოჩოშვილში კრემონეზეს 1.5 მილიონ ევროს გადაუხდის. ლუკა გერმანულ კლუბთან კონტრაქტს 3+1 სისტემით გააფორმებს.
ნიურნბერგი გერმანიის მეორე ბუნდესლიგაში ასპარეზობს, სადაც გასულ სეზონში 48 ქულით მე-10 ადგილი დაიკავა.
აღსანიშნავია, რომ გერმანული გუნდის მთავარი მწვრთნელი ბუნდესნაკრების ყოფილი თავდამსხმელი, მიროსლავ კლოზეა.
ლოჩოშვილი კრემონეზეში 2022 წელს ავსტრიული ვოლფსბერგერიდან გადავიდა, გასული სეზონის მეორე ნახევარი კი მან იჯარის წესით სალერნიტანაში გაატარა, რომელიც სერია ბ-დან გავარდა.
