თბილისში, დაშნით მოფარიკავე ქალებში მსოფლიო ჩემპიონის ტიტული უკრაინელმა ვლადა ხარკოვამ მოიპოვა, რომელმაც ფინალში ესტონელ კატრინა ლეჰისს დაძაბულ ბრძოლაში 15-14 სძლია.
ოქროს მედლის მიღების შემდეგ ხარკოვამ კომენტარი adjarabet arena-სთან გააკეთა, მან ქართველ ხალხის მხარდაჭერაზე და უკრაინისთვის გამარჯვებაზე ისაუბრა.
"ჩემთვის საქართველო ხალხია, დღეს დაცვის წევრები და მოხალისეები თბილად მესალმებოდნენ და მხარს მიჭერდნენ. მადლობა ამისთვის, რადგან ეს ენერგია ძალას მაძლევდა.
ძალიან ბედნიერი ვარ, რომ უკრაინას წარმოვადგენ და მიხარია, რომ ჩემი ხალხისთვის აქ ვიბრძვი, ვიმარჯვებ და ვსაუბრობ თუ რა ხდება უკრაინაში, ომი გრძელდება და სიტუაცია უარესია.
მადლიერი ვარ, რომ ჩემი ხალხი და ჩემი ქვეყანა მხარს მიჭერს, მადლობა ამ შესაძლებლობისთვის." - განაცხადა უკრაინელმა მსოფლიო ჩემპიონმა.
თბილისში ფარიკაობის მსოფლიო ჩემპიონატზე პირველი მედალოსნები გაირკვნენ
