ისლამ მახაჩევმა ილია თოფურიასთან შესაძლო ბრძოლის შესახებ ისაუბრა.
„თოფურიასთან ბრძოლა? მზად ვარ. პრობლემა არ მაქვს, შემიძლია ვიბრძოლო. მაგრამ არა მსუბუქ წონაში ჩასვლით. მსუბუქ წონაში უკვე ვიყავი, მქონდა ქამარი, არავის დავუმარცხებივარ. უბრალოდ ქამარი დავტოვე და ზემოთ ამოვედი. მხოლოდ ქამრის გამო დაბრუნება ჩემთვის საინტერესო არ არის. თუ მას ზემოთ ასვლა უნდა, კეთილი იყოს მისი მობრძანება.
შეუძლია თუ არა თოფურიას კიდევ ერთი წონით მაღლა ამოსვლა? ვფიქრობ, რომ კი, რადგან არაფერს დასაკარგი არაფერი აქვს. თუ წააგებს, თავის წონაში დაბრუნდება და ქამარს ისევ დაიცავს. ეს ბრძოლა უფრო მას სჭირდება. მე უკვე ვიყავი მსუბუქი წონის ჩემპიონი და იქ დაბრუნებას ნამდვილად არ ვაპირებ“, — განაცხადა მახაჩევმა.
შეგახსენებთ, 2025 წელს ისლამ მახაჩევმა მსუბუქი დივიზიონის ქამარი გაათავისუფლა და ნახევარსაშუალო წონაში გადავიდა, რომლის საჩემპიონო ბრძოლაშიც ჯეკ დელა მადალენა დაამარცხა და მეორე ქამარს დაეუფლა.
ილია მსუბუქი წონის ჩემპიონი ასევე 2025 წელს, ოღონდ ივნისში გახდა, როცა მახაჩევის გათავისუფლებული ქამრისთვის ბრძოლაში ჩარლზ ოლივეირა დაამარცხა.
