ისლამ მახაჩევმა UFC 333-ის მთავარი მოვლენის შესახებ ისაუბრა და მომავალი ბრძოლის შესახებ პროგნოზი გააკეთა.
145 ფუნტ წონითი კატეგორიის ლეგენდა ალექსანდერ ვოლკანოვსკი ტიტულის დაცვას აბუ-დაბიში, 24 ოქტომბერს, დაუმარცხებელ მებრძოლ მოვსარ ევლოევის წინააღმდეგ შეეცდება.
ორივესთან ოქტაგონზე მყოფმა მახაჩევმა აღნიშნა, რომ ვოლკანოვსკი ჯერ კიდევ ერთ-ერთი საუკეთესოა, თუმცა მისი აზრით, ავსტრალიელი თავისი საუკეთესო ფორმიდან რამდენიმე წლის წინანდელთან შედარებით უკვე გამოსულია.
მიუხედავად იმისა, რომ ბრძოლა რთული იქნება, ის ახალგაზრდობის ფაქტორიდან გამომდინარე ფსონს თავის თანამემამულეზე, მოვსარ ევლოევზე დებს.
UFC 333-ის ტურნირზე, რომელიც ეტიჰად არენაზე გაიმართება, კიდევ ერთი სატიტულო ბრძოლაა ჩანიშნული. უმსუბუქესი წონის ჩემპიონი პეტრ იანი მერაბ დვალიშვილს მესამედ დაუპირისპირდება. ამ დროისთვის ღონისძიებისთვის სულ ცხრა ბრძოლაა ოფიციალურად დაანონსებული.
