საქართველოს რაგბის ჩემპიონატ დიდი 10-ის 2025-26 წლების სეზონის ჩემპიონი ბათუმში, აჭარაბეთ არენაზე გაირკვევა. ამის შესახებ ინფორმაციას სარაგბო სოციალური მედია FreeRugby ავრცელებს.
ტურნირის გადამწყვეტი შეხვედრა 25 აპრილს ჩატარდება - მასში მონაწილეობას დიდი 10-ის პლეი-ოფის შედეგად გამოვლენილი 2 საუკეთესო გუნდი მიიღებს.
ამ მომენტისთვის, 12 ტურის შემდეგ, ჩემპიონატს მოქმედი ჩემპიონი ბათუმი 44 ქულით ლიდერობს, მეორე-მესამე ადგილებს, 43-43 ქულით, ქუთაისური გუნდები იყოფენ - აია ქუთაისი და არეს ქუთაისი.
ცნობისთვის, დამოუკიდებლობის შემდეგ საქართველოს ჩემპიონატი 10-ჯერ რეკორდსმენ ლოკომოტივს აქვს მოგებული, 6-ჯერ ტიტულს ლელო სარასენსი დაეუფლა, ხოლო 5-5-ჯერ გათამაშება ბათუმისა და აია ქუთაისის ტრიუმფით დასრულდა.
