მამარდას სახელობის ქულა - საქართველომ მეოთხე უგოლო მატჩი ჩაატარა

ერთა ლიგის მე-4 ტურში საქართველოს ეროვნულმა ნაკრებმა ჩრდილოეთ ირლანდიასთან ფრე 0:0 ითამაშა.

უინდსორ პარკზე გამართულ მატჩზე რამაზ სვანაძის გუნდი მიმდინარე ერთა ლიგაზე პირველი გოლის გატანისა და პირველი გამარჯვების იმედად გავიდა, თუმცა სახლში კვლავ 0 გატანილი გოლითა და მხოლოდ ერთი ქულით ბრუნდება.

ის ერთი ქულაც ნაკრებმა გიორგი მამარდაშვილის დამსახურებით მოიპოვა, რომელმაც მეორე ნახევარში ორჯერ იხსნა საკუთარი კარი აშკარა გოლისგან, მათ შორის პენალტის მოგერიებაც მოახერხა, რომელიც 84-ე წუთზე ჩვენი კარის მიმართულებით დაინიშნა.

ამ ფრით საქართველომ 2 ქულა დააგროვა და ჯგუფში ბოლო ადგილს იკავებს. პირველ ადგილზე ჩრდილოეთ ირლანდია რჩება 8 ქულით.

გამომდინარე იქიდან, რომ თანაბარი ქულების შემთხვევაში, უპირატესობა ურთიერთშეხვედრებს ენიჭება, სადაც ჩრდილოეთ ირლანდიამ გვაჯობა, ჩვენმა ნაკრებმა ჯგუფში პირველი ადგილის დაკავების შანსი ოფიციალურად დაკარგა.

გაჭირდება მეორე ადგილის დაკავებაც, რომელსაც ამჟამად უნგრეთის ნაკრები 7 ქულით იკავებს. 

ჯგუფის დარჩენილ ორ თამაშს რამაზ სვანაძის გუნდი ნოემბერში, უკრაინასთან ნეიტრალურ მოედანზე და უნგრეთთან შინ ჩაატარებს.

მამარდას მოგერიებული პენალტი: