ესპანეთის ნაკრები ისტორიულ სერიას აგრძელებს

ესპანეთის ეროვნული ნაკრები ლუის დე ლა ფუენტეს ხელმძღვანელობით ფეხბურთის ისტორიის გადაწერას განაგრძობს.

ფურია როხამ ერთა ლიგაზე ხორვატიის ნაკრები 2:1 დაამარცხა და ძირითად დროში დაუმარცხებელი მატჩების სარეკორდო სერია 42 შეხვედრამდეგაზარდა.

ესპანელებმა ბოლო დამარცხება ძირითად დროში 2024 წლის მარტში იწვნიეს, როდესაც ამხანაგურ მატჩში კოლუმბიის ეროვნულ გუნდთან 0:1 წააგეს.

მას შემდეგ დე ლა ფუენტეს გუნდი უბრალოდ შეუჩერებელია.

ფანტასტიკური სერიის სტატისტიკა:  33 გამარჯვება, 9 ფრე, 0 მარცხი ძირითად დროში.

ერთადერთი გამონაკლისი ამ აბსოლუტურ დომინაციაში 2025 წლის ერთა ლიგის ფინალი იყო, სადაც ესპანეთი პორტუგალიასთან პენალტების სერიაში დამარცხდა - თუმცა ოფიციალურ სტატისტიკაში ეს მატჩი ძირითად დროში ფრედ ითვლება.

ჯერჯერობით უცნობია, ვინ ან როდის შეძლებს ევროპის მოქმედი ჩემპიონების ამ სარეკორდო სერიის შეჩერებას.