VIDEO: ჯოკერი მერინო - ესპანეთმა ხორვატიასთან მატჩი დაატრიალა

ერთა ლიგის მე-4 ტურში ესპანეთმა ხორვატიას სტუმრად 2:1 მოუგო.

შეხვედრა მსოფლიო ჩემპიონებისთვის არც ისე სახარბიელოდ დაიწყო - მე-17 წუთზე ივან პერიშიჩმა მასპინძლები დააწინაურა და ხორვატიას ტაიმი მოაგებინა.

თუმცა, შესვენების შემდეგ ლუის დე ლა ფუენტეს ჯოკერად მეორე ტაიმის სტარტზე ცვლილებაზე შემოსული მიკელ მერინო მოევლინა - ისევე, როგორც მსოფლიო ჩემპიონატზე.

არსენალის ნახევარმცველმა 61-ე წუთზე ანგარიში გაათანაბრა, მატჩის მიწურულს კი გამარჯვების გოლი გაიტანა და თავის გუნდს მორიგი, მეხუთე გამარჯვება მოუტანა.

ესპანეთი უდანაკარგოდ მიიწევს წინ და ინგლისთან საშინაო მატჩის წინ ცხრილს 12 ქულით ლიდერობს, ინგლისელები კი 9 ქულით უკან მოსდევენ.

ხორვატია 3 ქულით ჯგუფში მესამე ადგილს იკავებს, ჩეხეთი კი კვლავ ქულის გარეშეა.

1-0 პერიშიჩი 17'

1-1 მერინო 61'

1-2 მერინო 88'