მანჩესტერ სიტიმ მარესკას მთავარ მწვრთნელად დანიშვნა დაადასტურა

მანჩესტერ სიტიმ ენცო მარესკას მთავარი მწვრთნელის პოსტზე დანიშვნა დაადასტურა.

იტალიელმა სპეციალისტმა კლუბთან სამწლიანი კონტრაქტი გააფორმა, რომელიც 2029 წლის ზაფხულამდე იმოქმედებს.

მანჩესტერ სიტი კლუბია, რომელსაც ძალიან კარგად ვიცნობ და ამ გუნდის გაწვრთნის შესაძლებლობა ჩემთვის შესანიშნავი შანსია.

,,სიტი წარმოუდგენლად კარგად მართული კლუბია. ყველაფერი, რასაც აქ აკეთებენ, ინოვაციური, წინასწარ დაგეგმილი და მიზანმიმართულია.

მწვრთნელისთვის ეს იდეალური გარემოა. ასეთი სტაბილურობა საშუალებას მაძლევს, ჩემი საქმე მაქსიმალურად ეფექტურად შევასრულო.

ეს ჩემი მესამე პერიოდი იქნება ამ კლუბში. ვიცი, რას ნიშნავს ეს კლუბი, ვიცი მისი მოთხოვნები და მოლოდინები.

აქ მომუშავე ადამიანების ხარისხი სწორედ ისაა, რაც ამ კლუბს განსაკუთრებულს ხდის და მინდა მადლობა გადავუხადო მათ ჩემდამი ნდობისთვის." - განაცხადა მარესკამ.

მარესკას მანჩესტერ სიტიში დანიშვნის შემდეგ ჩელსიმ კომპენსაციის სახით 17 მილიონი ფუნტი მიიღო. გარდა ამისა, მარესკამ კლუბთან ცალკე ფინანსურ შეთანხმებასაც მიაღწია.

იტალიელმა სპეციალისტმა საჯაროდ მოიხადა ბოდიში ჩელსიდან წასვლის გამო, ხოლო ლონდონურმა კლუბმა განაცხადა, რომ თავს „იმედგაცრუებულად“ გრძნობს, რადგან მარესკას „გონებაც და გულიც სხვა კლუბისკენ იყო მიმართული“.