მანჩესტერ სიტიმ ენცო მარესკას შესახებ ოფიციალური განცხადება გამოაქვეყნა.
,,ენცო მარესკა დიდი ხანია კლუბის მიერ განიხილებოდა, როგორც სამომავლო მემკვიდრეობის გეგმის ერთ-ერთი მთავარი კანდიდატი.
როგორც ჩვენი სისტემის ფარგლებში წარმატებით მომუშავე ყოფილი მწვრთნელი, ენცოს ძლიერი ურთიერთობა აქვს კლუბის ხელმძღვანელობასთან და კარგად ესმის, როგორ მუშაობს და ვითარდება მანჩესტერ სიტი.
ვადასტურებთ, რომ 2025 წლის შემოდგომასა და ზამთარში მანჩესტერ სიტის რამდენიმე წარმომადგენელსა და ენცო მარესკას შორის კონფიდენციალური საუბრები გაიმართა.
იმ პერიოდში იგი ჩელსის მთავარი მწვრთნელი იყო. განხილვის თემა იყო მისი შესაძლო დაბრუნება სიტიში გარდამავალი ლიდერული/სამწვრთნელო როლის შესასრულებლად იმ შემთხვევაში, თუ პეპ გვარდიოლა კლუბს დატოვებდა.
ჩვენ ვაღიარებთ ჩელსის განცხადებას ენცოს კლუბიდან წასვლის გარემოებების შესახებ. ასევე ვაცნობიერებთ იმ კონტექსტს, რომელშიც მოლაპარაკებების ნებართვა იყო გაცემული, და ვაღიარებთ, რომ მისი შუა სეზონში წასვლა ჩელსისთვის დამაზიანებელი და სეზონის მიმდინარეობისთვის ხელისშემშლელი აღმოჩნდა.
მას შემდეგ, რაც ენცო მარესკასთან შეთანხმება მიღწეულ იქნა, მანჩესტერ სიტიმ და ჩელსიმ ურთიერთშეთანხმების საფუძველზე მიაღწიეს კომპენსაციის შეთანხმებას, რომლის მიხედვითაც ჩელსი შესაბამის ანაზღაურებას მიიღებს."
მარესკამ განაცხადა:
„2025 წლის დეკემბრის ბოლოს რთული გადაწყვეტილება მივიღე და ჩელსი დავტოვე.
ეს გადაწყვეტილება მხოლოდ ჩემი იყო. ჩემმა გადადგომამ ჩელსიდან გამიხსნა გზა, რომ მანჩესტერ სიტის შევერთებოდი - კლუბს, რომელსაც ძალიან კარგად ვიცნობდი.
უზომოდ ბედნიერი ვარ, რომ ახლა მანჩესტერ სიტის წევრი ვარ.
ვაცნობიერებ, რომ სეზონის შუაში ჩელსიდან წასვლამ კლუბს სირთულეები შეუქმნა და ამისთვის ბოდიშს ვიხდი. ეს არც ჩემი განზრახვა და არც სურვილი ყოფილა.
ჩელსიში ყველანი შესანიშნავად მექცეოდნენ და ერთად დიდ წარმატებებსა და დაუვიწყარ მოგონებებს მივაღწიეთ, რომლებსაც ყოველთვის დავაფასებ.
მადლობელი ვარ კლუბის, მფლობელებისა და გულშემატკივრების, რომლებმაც ეს შესაძლებლობა მომცეს.“
მარესკას მანჩესტერ სიტიში დანიშვნის შემდეგ ჩელსიმ კომპენსაციის სახით 17 მილიონი ფუნტი მიიღო. გარდა ამისა, მარესკამ კლუბთან ცალკე ფინანსურ შეთანხმებასაც მიაღწია.
მანჩესტერ სიტიმ მარესკას მთავარ მწვრთნელად დანიშვნა დაადასტურა
