მანჩესტერი მზადაა ოსიმენის სანაცვლოდ ნაპოლის თავისი ფორვარდი შესთავაზოს

მანჩესტერ იუნაიტედს ვიქტორ ოსიმენის დამატება სურს.

Calciomercato-ს ინფორმაციით, რუბენ ამორიმი მომავალ ზაფხულს გუნდის გადაწყობას გეგმავს. ერთ-ერთი პირველი, ვინც გუნდს დატოვებს, რასმუს ჰოილუნდია, რომელმაც პორტუგალიელი მწვრთნელის დარწმუნება ვერ მოახერხა.

მანჩესტერი მზად არის, ნაპოლის ვიქტორ ოსიმენის სანაცვლოდ ჰოილუნდი და 40 მილიონი ევრო შესთავაზოს.

მიმდინარე სეზონში დანიელმა პრემიერ ლიგის 22 მატჩში მხოლოდ 2 გოლი გაიტანა.

ოსიმენი ამ სეზონს იჯარით გალათასარაიში ატარებს, სადაც 19 მატჩში 14 გოლი და 4 საგოლე გადაცემა მიითვალა.