გავრცელებული ცნობების მიხედვით, მაიკლ კერიკის მანჩესტერ იუნაიტედის მუდმივ მთავარ მწვრთნელად დანიშვნას კლუბის ხელმძღვანელები რეკომენდაციას გაუწევენ, მას შემდეგ რაც მან გუნდის შედეგები საგრძნობლად გააუმჯობესა.
44 წლის სპეციალისტმა გუნდი იანვარში ჩაიბარა სეზონის ბოლომდე, მას შემდეგ რაც რუბენ ამორიმის რთული პერიოდი წითელ ეშმაკებში დაძაბულად დასრულდა.
იუნაიტედმა ჩემპიონთა ლიგის საგზური სეზონის დასრულებამდე 3 ტურით ადრე მოიპოვა, მიუხედავად იმისა, რომ კლუბი ბოლო 2 სეზონის განმავლობაში ამ ტურნირს მიღმა იყო დარჩენილი.
კერიკმა, რომელიც 13 იანვარს დაინიშნა, ყველა ტურნირზე ჩატარებული 15 მატჩიდან 10 მოიგო და მხოლოდ 2-ჯერ დამარცხდა, რის შედეგადაც იუნაიტედი პრემიერ ლიგის ცხრილში მე-7 ადგილიდან მე-3-ზე გადაიყვანა.
The Athletic-ის ინფორმაციით, აღმასრულებელი დირექტორი ომარ ბერადა და ფეხბურთის დირექტორი ჯეისონ უილკოქსი თანამფლობელ ჯიმ რატკლიფს ამ კვირაში გამართულ მმართველობით შეხვედრაზე ურჩევენ, რომ კერიკს მუდმივი კონტრაქტი შესთავაზონ.
იუნაიტედმა სხვა ვარიანტებიც განიხილა, თუმცა კერიკი დიდი ხანია ამ პოსტზე მთავარ ფავორიტად მიიჩნევა. მას საჯაროდ მხარდაჭერა არაერთმა ფეხბურთელმაც გამოუცხადა. რამდენიმე ბუკმეკერულმა კომპანიამ უკვე შეაჩერა ფსონების მიღება მის შესაძლო დანიშვნაზე.
