ოთხშაბათის სატრანსფერო ჭორები

მანჩესტერ იუნაიტედი მადრიდის რეალის ურუგვაელი ნახევარმცველის, 27 წლის ფედერიკო ვალვერდეს შოკისმომგვრელ ტრანსფერს განიხილავს.

კლუბი ასევე დაინტერესებულია ატალანტას ბრაზილიელი ნახევარმცველით, ედერსონითა და ვესტ ჰემის პორტუგალიელი მოთამაშით, 21 წლის მათეუს ფერნანდეშით.

პარალელურად, პსჟ-ს მომავალი სეზონის ერთ-ერთ მთავარ სამიზნეს მადრიდის ატლეტიკოს არგენტინელი თავდამსხმელი, 26 წლის ხულიან ალვარესი წარმოადგენს.

ბენ უაითმა შესაძლოა უარი თქვას ამ ზაფხულს ევერტონში გადასვლაზე, თუ 28 წლის ინგლისელი მცველი არსენალისგან სათამაშო დროსთან დაკავშირებით გარანტიებს მიიღებს.

მადრიდის რეალი ჯერ კიდევ ყოყმანობს, გამოიყენოს თუ არა კომოს ესპანელი მცველის, იაკობო რამონის გამოსყიდვის უფლება, რაც ჩელსის აძლევს შანსს, გააფორმოს კონტრაქტი 21 წლის ფეხბურთელთან.

ამასთანავე, ბელგიელმა ნახევარმცველმა იური ტილემანსმა შესაძლოა ასტონ ვილა სეზონის ბოლოს დატოვოს.

მიუხედავად იმისა, რომ ვესტ ჰემი შესაძლოა პრემიერ ლიგიდან გავარდეს, ინგლისელი ფორვარდი ჯაროდ ბოუენი გუნდში დარჩენაზე მაინც ფიქრობს.

პორტუ სერიოზულადაა დაინტერესებული რობერტ ლევანდოვსკის თავისუფალი აგენტის სტატუსით აყვანით, თუმცა 37 წლის პოლონელმა თავდამსხმელმა შესაძლოა ბარსელონასთან ახალი ხელშეკრულება გააფორმოს.

ნოტინგემ ფორესტის მწვრთნელი ვიტორ პერეირა, მიუხედავად გუნდის პრემიერ ლიგაში დატოვებისა, შესაძლოა ფულემის თავკაცმა, მარკო სილვამ ჩაანაცვლოს.

ბორნმუთის მწვრთნელი ანდონი ირაოლა კი მანჩესტერ იუნაიტედის კანდიდატთა სიიდან ამოვარდა, რადგან მაიკლ კარიკი პოსტზე ხანგრძლივად დანიშვნას უახლოვდება.  ეს ირაოლას გზას უხსნის კრისტალ პალასსა და ჩელსისთან მოლაპარაკებებისთვის.

თავის მხრივ, ჩელსიმ უკვე გამართა პირველადი შეხვედრა მადრიდის რეალის ყოფილ მწვრთნელთან, ჩაბი ალონსოსთან და კონტაქტი ჰქონდა მარკო სილვასთანაც.