მანჩინი: „რატომ დავტოვე იტალიის ნაკრები სამი წლის წინ?"

რობერტო მანჩინიმ იტალიის ეროვნული ნაკრების მთავარი მწვრთნელის პოსტზე დაბრუნების შესახებ ისაუბრა.

იტალიელი სპეციალისტი ეროვნულ გუნდს 2018 წლიდან 2023 წლამდე ხელმძღვანელობდა, საიდანაც საუდის არაბეთის ნაკრებში გადავიდა.

„სამი წლის წინ ჩემსა და გრავინას (იტალიის ფეხბურთის ფედერაციის ექს-პრეზიდენტს) შორის ურთიერთგაგების პრობლემა წარმოიშვა. ძალიან ვწუხვარ.

ეროვნული ნაკრების მაისური ყოველთვის მნიშვნელოვანი იყო. ეს იმას ჰგავს, როცა უზომოდ შეყვარებული ხარ და საყვარელ ქალს დაკარგავ.

ახლა კი, მალაგოს (ფედერაციის ახალი პრეზიდენტის) წყალობით, ბედისწერა საშუალებას მაძლევს ეს შეცდომა გამოვასწორო.

ჩემი პირველი შეხვედრა გულშემატკივრებთან? ვეცდები, გუნდმა იმ დონეზე ითამაშოს, რომ ფანებმა ეს ყველაფერი მაპატიონ“, – განაცხადა მანჩინიმ.