იტალიის ფეხბურთის ფედერაციაში რთული ვითარებაა - კარლო ანჩელოტის, პეპ გვარდიოლას და ანდრეა პირლოს კანდიდატურების ჩავარდნის შემდეგ, ტექნიკური დირექტორი პაოლო მალდინი და მრჩეველი ლეონარდო გადადგნენ.
ამის მიზეზი ფედერაციის პრეზიდენტ ჯოვანი მალაგოსთან მომხდარი მწვავე დაპირისპირება გახდა, რომელმაც ანდრეა პირლოს კანდიდატურა მთავარი მწვრთნელის პოსტზე ბლოკა. პირლოს დანიშვნაზე უარის თქმის მთავარ მიზეზად მისი კომერციული თანამშრომლობა სახელდება ერთ-ერთ რუსულ სათამაშო კომპანიასთან, რასაც პოლიტიკური წრეების მხრიდანაც მოჰყვა კრიტიკა.
არსებული ინფორმაციით, ფედერაციის პრეზიდენტი ჯოვანი მალაგო ახალი დირექტორის ძებნამდე მთავარი მწვრთნელის კანდიდატურას თავად შეარჩევს. მთავარ ფავორიტად რობერტო მანჩინი სახელდება, რომელსაც იტალიის ნაკრებში დაბრუნება შეუძლია.
სპეციალისტი გუნდს 2018-2023 წლებში ხელმძღვანელობდა და ევროპის ჩემპიონატიც მოაგებინა. იმ შემთხვევაში, თუ მანჩინი დაინიშნება, კლუბ იტალიას ტექნიკური დირექტორის პოსტზე შესაძლოა ჯორჯო კიელინი ჩაუდგეს სათავეში.
ნაკრებს სექტემბერში უეფას ერთა ლიგის მატჩები ელის, სადაც აზურები რთულ ჯგუფში საფრანგეთთან, ბელგიასთან და თურქეთთან იასპარეზებენ.
