იტალიის ნაკრების გარშემო ახალი სკანდალი აგორდა.
საქმე ანდრეა პირლოსა და პაოლო მალდინის შესაძლო მოსვლას ეხება ეროვნულ გუნდში, რასაც საზოგადოებაში ინტერესთა კონფლიქტის თაობაზე მწვავე კითხვები მოჰყვა.
გავრცელებული ინფორმაციით, კითხვები აგენტებთან და სხვადასხვა სააგენტოებთან პირლოსა და მალდინის ვაჟების თანამშრომლობას უკავშირდება.
კერძოდ, ნიკოლო პირლო სააგენტო You First-ში მუშაობს, ხოლო კრისტიან მალდინი ჯუზეპე რიზოს ცნობილ კომპანიასთან - GR Sports-თან თანამშრომლობს, თუმცა აღსანიშნავია, რომ არცერთი მათგანი ოფიციალური აგენტის ლიცენზიის მფლობელი არ არის და ისინი სააგენტოებში განსხვავებული ფუნქციებით ოპერირებენ.
მედიაში ამ სიტუაციას მარჩელო ლიპის 2016 წლის ცნობილ პრეცედენტს ადარებენ, როდესაც მისი ტექნიკურ დირექტორად დანიშვნის იდეა სწორედ მისი შვილის, დავიდე ლიპის აგენტურული საქმიანობისა და ინტერესთა შესაძლო კონფლიქტის გამო ჩაიშალა.
გარდა ამისა, სიტუაციას კიდევ უფრო ამძიმებს დამატებითი პოლიტიკური და საზოგადოებრივი განხილვები, რომლებიც პირლოს წარსულში რუსულ საბუკმეიკერო კომპანიასთან დაკავშირებულ სარეკლამო აქტივობებს უკავშირდება.
