მათეუსი: „რეალი ბოლო წლებში ძალიან უპატივცელოდ იქცევა და პრესტიჟს კარგავს"

ბაიერნისა და გერმანიის ნაკრების ლეგენდარულმა ნახევარმცველმა, ლოთარ მათეუსმა, მადრიდის რეალის ბოლო წლების ქმედებები გააკრიტიკა.

მათეუსის თქმით, სამეფო კლუბის დამოკიდებულება ინდივიდუალური ჯილდოების მიმართ მათ დიდ ისტორიას ჩრდილს აყენებს.

„როდრი მსოფლიოს წლის საუკეთესო ფეხბურთელი გახდა, რეალში კი თქვეს: „ეს უსამართლობაა, ჩვენიანი (ვინისიუს ჟუნიორი) უნდა გამხდარიყო გამარჯვებულიო."

ამის გამო მათ დააანონსეს ბოიკოტი და ცერემონიაზე არ გამოცხადდნენ. ასე არ იქცევიან. მეტოქეების, სხვა გუნდებისა და მოთამაშეების პატივისცემის გამო — ასეთი რამ უბრალოდ დაუშვებელია.

პრესამაც ეს ფაქტი უარყოფითად შეაფასა. ამიტომ კლუბი, რომელსაც უდიდესი წარმატებები და მართლაც დიდებული ისტორია აქვს, თავისი პრესტიჟის ნაწილს კარგავს. არ ვფიქრობ, რომ რეალის ქცევა ბოლო წლებში კარგი იყო.“

შეგახსენებთ, რომ 2024 წელს რეალის მთელმა დელეგაციამ უარი თქვა პარიზში გამგზავრებაზე მას შემდეგ, რაც გავრცელდა ინფორმაცია, რომ ჯილდოს ვინისიუსის ნაცვლად ესპანელი როდრი მიიღებდა.