VIDEO: ატლეტიკომ 10-კაციან ბარსას კამპ ნოუზე მოუგო და 1/4 ფინალისკენ დიდი ნაბიჯი გადადგა

ჩემპიონთა ლიგის 1/4 ფინალის პირველ მატჩში ბარსელონა საკუთარ მოედანზე მადრიდის ატლეტიკოსთან დამარცხდა.

შეხვედრა კამპ ნოუზე გაიმართა და სტუმართა გამარჯვებით 2:0 დასრულდა.

მატჩის პირველ წუთებზე ბარსა, როგორც მოსალოდნელი იყო, სათამაშო უპირატესობას ფლობდა, თუმცა ტაიმის მიწურულს კაცნაკლული დარჩა — პაუ კუბარსის დაჯარიმება მსაჯმა ბოლო იმედის ჯარიმად მიიჩნია, ესპანელი მცველი მოედნიდან გააძევა და ატლეტიკოს სასარგებლოდ ჯარიმა დანიშნა, რომელიც არგენტინელმა ხულიან ალვარესმა ბრწყინვალე სტილში შეასრულა და ჟოან გარსიას შანსი არ დაუტოვა.

მეორე ნახევარში ბარსა ანგარიშის გათანაბრებას 10 კაცითაც აქტიურად ცდილობდა, თუმცა გოლი კვლავ მადრიდელებმა გაიტანეს — ამჯერად თავი სორლოტმა გამოიჩინა და მატჩის საბოლოო ანგარიშიც დააფიქსირა.

საპასუხო მატჩის წინ, რომელიც 14 აპრილს, მეტროპოლიტანოზე გაიმართება, ატლეტიკომ სოლიდური უპირატესობა გაინაღდა და 1/4 ფინალისკენ დიდი ნაბიჯი გადადგა.

0-1 ალვარესი 45'

0-2 სორლოტი 70'