იამალმა ვინისიუსის რეკორდი დაამხო - ახალი ისტორია ლა ლიგაში

ბარსელონას ვარსკვლავმა, ლამინ იამალმა მადრიდის რეალის შემტევის, ვინისიუს ჟუნიორის რეკორდი დაამხო.

ის გახდა ყველაზე ახალგაზრდა ფეხბურთელი 2013-2014 წლების სეზონის შემდეგ, რომელმაც 50 საგოლე გადაცემის ზღვარი გადალახა. ესპანელმა ამ მიღწევას 19 წლისა და 68 დღის ასაკში მიაღწია. ამჟამად მის ანგარიშზე კატალონიელთა მაისურით ჩატარებულ 159 ოფიციალურ მატჩში 51 ასისტია.

მანამდე აღნიშნული რეკორდი ვინისიუსს ეკუთვნოდა, რომელმაც 50 ასისტი 2023 წლის მაისში, 22 წლისა და 298 დღის ასაკში შეასრულა. შესაბამისად, იამალმა ბრაზილიელის შედეგი 3 წელზე მეტით გააუმჯობესა. სტატისტიკურად, ესპანელი ტალანტი დაახლოებით ყოველ მესამე შეხვედრაში ასრულებს საგოლე გადაცემას, რაც მის ასაკში უიშვიათესი სტაბილურობის მანიშნებელია.

იამალმა თავისი რეკორდული საგოლე გადაცემები სევილიას წინააღმდეგ გამართულ მატჩში შეასრულა, რომელიც ბარსელონამ 3:1 მოიგო. მატჩი კატალონიელთათვის რთულად დაიწყო და სევილია მე-19 წუთზე დაწინაურდა, თუმცა რაფინიამ სამ წუთში წონასწორობა აღადგინა. მეორე ტაიმში კი სწორედ იამალის ფანტასტიკური თამაშისა და გადაცემების წყალობით რაფინიამ კიდევ ორი გოლი გაიტანა, ჰეთ-თრიკი გაიფორმა და გუნდს 100%-იანი შედეგის შენარჩუნებაში დაეხმარა.