კილიან მბაპემ საბოლოოდ აღიარა როგორ მოქმედებს მისი ყველაზე დიდი სისუსტე რეალ მადრიდზე.
ლა ლიგაში 23 და ჩემპიონთა ლიგაში კი 13 გოლით, კილიან მბაპე კიდევ ერთ საოცარ სეზონს ატარებს, როგორც რეალ მადრიდის მთავარი თავდამსხმელი. თუმცა, რამდენად წარმატებულია ის კლუბში, გაიზომება რეალის მიერ მოგებული თასებით.
მიუხედავად იმისა, რომ მადრიდისტები კმაყოფილები უნდა იყვნენ მბაპეს გოლების რაოდენობითა და მისი შანსების შექმნის უნარით, ბევრი კრიტიკა ისმის მბაპეს დაცვაში არასაკმარისი გარჯის გამო. ვინისიუს ჟუნიორი, როდრიგო, კარიმ ბენზემა და ბოლო რამდენიმე წლის განმავლობაში რეალ მადრიდის ყველა სხვა წარმატებული თავდამსხმელი მზად იყო დაცვაში სათამაშოდ, ხოლო ისინი, ვისაც ეს არ შეეძლო, მაგალითად ედენ აზარი, სათამაშო დროს ვეღარ იღებდა.
The Bridge-თან ინტერვიუში კილიან მბაპემ თქვა, რომ არ აწუხებს მასზე საუბრები და ამას კონსტრუქციულ კრიტიკას უწოდებს.
მბაპემ თქვა:
მე ვარ ფეხბურთელი, რომელიც სხვებზე ნაკლებად თამაშობს დაცვაში და ზოგჯერ ეს შეიძლება პრობლემა იყოს. მართალია, ამას ნაკლებად ვაკეთებ, მაგრამ ვამჩნევ, რომ როდესაც დაცვაში ვთამაშობ ნამდვილად ვეხმარები გუნდს.
პირველი ნაბიჯი პრობლემის არსებობის აღიარებაა. მეორე ნაბიჯი კი მისი მოგვარება. მბაპემ იცის, რომ უკან უნდა დაიხიოს და გუნდს მაგალითი მისცეს, მით უმეტეს, რომ რეალის თამაშის სტილი ძალიან განსხვავებულია, როდესაც მთელი გუნდი იცავს თავს.
მბაპემ დაცვაში არა ხანდახან, არამედ სულ უნდა ითამაშოს. ჰანსი ფლიკის ბარსელონასა და რეალ მადრიდს შორის ყველაზე დიდი განსხვავება ის არის, რომ ბარსა სტაბილურად თამაშობს როგორც გუნდი და ყოველ კვირას ინტენსიურად იცავს თავს. რეალ მადრიდს ეს ნამდვილად სჭირდება და ყველაფერი გუნდის სუპერვარსკვლავით, მბაპეთი იწყება.
