მბაპეს სკანდალი - ბოდიში რეალმაც მოიხადა

მადრიდის რეალმა კილიან მბაპეს სკანდალთან დაკავშირებით ოფიციალური განცხადება გაავრცელა.

,,მადრიდის რეალს სურს, ბოდიში მოუხადოს ჩინელ ხალხს იმ შესაძლო დისკომფორტისთვის, რომელიც ჩვენი ფეხბურთელის, კილიან მბაპეს ბოლოდროინდელმა განცხადებებმა გამოიწვია.

ჩვენი კლუბი ღრმა პატივისცემით არის განწყობილი ჩინეთის, მისი ისტორიის, კულტურისა და მოქალაქეების მიმართ, ისევე როგორც მილიონობით ჩინელი გულშემატკივრის მიმართ, რომლებსაც მადრიდის რეალი უყვართ და მისით აღფრთოვანებულნი არიან.

კლუბი უერთდება კილიან მბაპეს საჯარო ბოდიშს, რომელშიც თავად ფეხბურთელმა გამოთქვა სინანული საკუთარი სიტყვების გამო და კიდევ ერთხელ დაადასტურა ჩინელი ხალხისადმი პატივისცემა.

მადრიდის რეალი კიდევ ერთხელ ადასტურებს ერთგულებას პატივისცემის, მშვიდობიანი თანაცხოვრებისა და კულტურებს შორის ურთიერთგაგების ღირებულებების მიმართ.

ამასთან, კლუბი გამოთქვამს სურვილს, გააგრძელოს მეგობრული და თბილი ურთიერთობების განმტკიცება, რომლებიც მას ჩინეთთან და მის მოქალაქეებთან აკავშირებს." - წერია განცხადებაში.

ფრანგმა ვარსკვლავმა ჩინეთის სახალხო რესპუბლიკის დამფუძნებელ მაო ძედუნზე იხუმრა, რასაც ჩინეთის მთავრობისა და კომპანიების რეაქცია მოჰყვა.

მბაპეს სკანდალის გამო ლა ლიგის პრეზიდენტი ჩინეთის ელჩს შეხვდა