მონტენეგროში მიმდინარე კრივის 15-წლამდე ევროპის ჩემპიონატზე, ალექსი გუნიამ ვერცხლის მედალი მოიპოვა.
57 კგ. წონითი კატეგორიის ფინალში, ქართველი მოკრივე უკრაინელ ისმაილ ისმაილოვთან დამარცხდა და ევროპის ვიცე-ჩემპიონის სტატუსი მიიღო.
ჩვენი დელეგაციისთვის მიმდინარე ტურნირზე მე-2 ვერცხლის მედალია - ლიზა ლობჟანიძემაც ამ სინჯის მედალი მოიგო, ხოლო დავით ალიხანაშვილი (54 კგ.), გიორგი ახვლედიანი (52 კგ.) და ელენე ქარჩავა (48 კგ.) ოქროს მედლებს დაეუფლნენ. ქარჩავა ჩვენი ქვეყნის ისტორიაში პირველი ევროპის ჩემპიონი ქალია.
გარდა ამისა, თორნიკე სიმონიშვილმა (40 კგ.), საბა კერძევაძემ (44 კგ.) და ჯონი ხაბურზანიამ (46 კგ.) ბრინჯაოს მედლები მოიპოვეს.
საქართველოს ნაკრებს კიდევ 1 მედალი აქვს განაღდებული - გიგი არჩაია (70 კგ.), ევროპის ჩემპიონატის ოქროსთვის, ინგლისელ თომას უორდთან იჩხუბებს.
საქართველოს 15-წლამდე ნაკრები ევროპირველობაზე 14 სპორტსმენით იყო წარმოდგენილი და ტურნირს, ყველა ვარიანტში, 9 მედლით დაასრულებს.
