მერსედესმა გამოაცხადა, რომ ფორმულა 1-ში გუნდის მრბოლელთა შემადგენლობა 2026 წლის სეზონისთვის ჯორჯ რასელი და კიმი ანტონელი იქნებიან.
რვაგზის მსოფლიო ჩემპიონებმა გადაწყვიტეს, შეინარჩუნონ რასელი და ანტონელი, რომლებიც გუნდის იუნიორ პროგრამის აღზრდილები არიან და ვერცხლის ისრებს სეზონის დასრულებამდე 6 რბოლით ადრე გუნდურ ჩათვლაში მეორე ადგილამდე ასვლაში დაეხმარნენ.
რასელი 2022 წელს, უილიამსში გატარებული სამი სეზონის შემდეგ, დაწინაურდა მერსედესში და მას შემდეგ მოიგო ხუთი გრან პრი - უკანასკნელი მათგანი სინგაპურში. მომავალი წელი მისი მერვე სეზონი იქნება ფორმულა 1-ში.
ახალწვეულმა ანტონელიმ წელს არაერთი გამოსარჩევი შედეგი აჩვენა - მათ შორის მაიამიში სპრინტის პოული და კანადაში პოდიუმი, სადაც ის ფორმულა 1-ის ისტორიაში პოდიუმზე ასული ყველაზე ახალგაზრდა პილოტი გახდა. თუმცა ევროპის ეტაპების სერიაში რთული პერიოდი ჰქონდა, სანამ ბაქოსა და სინგაპურში ორჯერ ტოპ-ხუთეულში მოხვედრით არ აღიდგინა ფორმა.
შეერთებული შტატების გრან პრის წინ, მერსედესმა ოფიციალურად დაადასტურა, რომ ორივე პილოტი გუნდში დარჩება.
